الى بغيتي ترطبي رجيلاتك عندي ليك وصفة ساهلة

 - الى بغيتي ترطبي رجيلاتك عندي ليك وصفة ساهلة :

خذي البودر أو لي كانقولو طالك هداك لي قرعة ديالو صفرة خذي لقياس  لي غاذي يقدك في رجليك و زيدي عليه فازلين و خلطيهم مزيان بحال البومادا و ذهني بيها رجليك و لبسي تقاشر و نعسي بيهم و في الصباح غسلي رجليك بالماء و الصابون تقدري ديريها حتى بنهار و خليها أطول مدة مهم متخرجيش بيها للشمس استعملي هاد الوصفة يوميا حتى تحصلي على النعومة لي بغيتي.

إقرأ المزيد

ودعي أحمر الشفاه و تهناي من مشاكل لي كيدير ليك و بهاد جوج مكونات تمتعي بشفاه وردية طبيعيا

المقادير:

• شوية من فازلين
• شوية من عصير الحامض

الطريقة:

خذي شوية الفازلين و دهني  بيها شفايفك قبل ما تنعسي و افركيهم بلطف و نعسي ملي تفيقي صباح خذي شوية القطن و غمسيه في عصير الحامض و مسحي بيه شفايفك 

إستعملي هاد الوصفة يوميا و غادا  تلاحظي الفرق

ملحوظة :

هذه الوصفة استعمليها غير في الليل  حيت الفازلين و الحامض ماخاصهمش يبانو لشمس

نتمنى نكون فدتكم شوية

إقرأ المزيد

حلوة بالفرماج كتذوب في الفم و مذاقها رائع ساهلة و مكتهزش لمقادير

المكونات:

• رابعة الزبدة (اما ديال العبار او ماركارين المهم لي تواجد عندك ديريه)
• 5 فرماجات مثلثة  ( تقدري ديري كثر حيت كلما كثرثي الفرماج كتجي لحلوة لذيذة)
• نصف كاس سكر كلاصي
• 1 ساشي ديال لافاني
• 2 معالق كبار مايزينا(الى ماكانتش عندك تقدري ماديريهاش المهم هي كتخلي لحلوة هشيشة )
• شوية الملح
• نصف كاس زيت
• الدقيق حسب الخليط\

للتزيين:

• سكر كلاصي سبيسيال
•  شكلاط اسود

الطريقة:

في قصعة نحكو زبدة و سكر كلاصي من بعد نضيفوا ليهم الفرماج و نحكوا ثم نزيدوا عليهم الملح+ لافاني +الزيت +مايزينا و  نخلطو و نبداو نضيفوا الدقيق شوية بشوية حتى نحصلو على عجينة لينة بحال عجين الصابلي

نبداو ناخدوا من العجين و نمددو بالمدلك و نقطعوها بالمرشم لي بغيتي ولا تصايبي من العجين كويرات صغيرة و زوقيها كيف بغيتي

ستفيها في اللاطة و دخليها للفرن طايبيها لفوق حتى تتحمر و هابطيها لتحت تحمر شوية و خرجيها فنديها  في السكر كلاصي او غطسيها في الشكلاط الاسود

إقرأ المزيد

الى بغيتي توجدي شاوارما في دارك دخلي نوريك توابل دياولها

المكونات :

• ملعقة كبيرة من الكمون 
• معيلقة صغيرة ديال الثومة غبرة 
• شوية الابزار 
• شوية السكين جبير 
• معيلقة صغيرة قرنفل مطحون 
• حبة صغيرة ديال الكوزة مطحونة مزيان  و مغربلة 
• ورقة سيدنا موسى مطحونة

الطريقة 

نخلطو جميع المكونات و نحتافظوا بيها في قنينة زجاجية محكمة الاغلاق

إقرأ المزيد

الى بغيتي تهلاي في ظفارك و طوليهم

 الى بغيتي تهلاي في ظفارك باش يبقاو زوينين ماعليك غي  بجوج حاجات 

    المكونات :

• فص ديال الثوم
• حامضة 

  الطريقة:

  خذي لفص ديال الثوم و قسميه على جوج و حكي بيه ظفيراتك قبلا تنعسي, و كي تفيقي صباح خذي الحامضة و قسميها حتى هي على جوج و حكي بيها ظفارك  .

و خلال مدة قصيرة غادي يبان ليك الفرق

إقرأ المزيد

مايونيز بالثوم و المعدنوس بحال لي كيقدمو ليك في السناك

   
   المقادير:

•  2 بيضات  خذي غي لبياض ديالهم
• 2 فرماجات مثلثة
• 3 فصوص ديال الثوم محكوكي
• شوية الملح 
• شوية الابزار
• شوية القزبر و المعدنوس مقطعين
• كاس صغير معامرش ديال الزيت

  الطريقة:

   في الخلاط الكهربائي ديري بياض البيضات+الفرماج+الثوم+الملح+الابزار+القزبر و المعدنوس و طحنيهم مزيان و بداي تضيفي الزيت شوية بشوية وطحني 
ويلا بان ليك خاتر حايديه من المولينكس و طربيه مزيان غي بمعيلقة  حتى يجرى و يولي بحال الصلصة  
راه كيجي لذيذ غي جربيه و مغاداش تندمي قدميه مع سندويش مع بيتزا مع الفريت كايجي رائع 
بالصحة والراحة .

إقرأ المزيد

معلومات عن برج الحمل

١

برج الحمل

بماذا يتميز اصحاب برج الحمل ؟ و ما هي صفاتهم

     يعتبر برج الحمل اول الابراج الاثنى عشر و يتميز اصحابه بالاستقلالية و الثقة في النفس يمتلك شخصية قوية ينجذب اليها   الكل  كما انه يتمتع بالشجاعة و رغم طباعه الحادة فهو يملك قلب طيب و حنون يحب مساعدة الآخرين و التضحية من أجلهم

  :الصفات  

     :الايجابية

    ٠الإخلاص

        ٠النشاط و الحيوية 

٠حب المساعدة و التضحية 

٠ القلب الطيب

٠الشجاعة 

٠ التسامح

٠ الإيمان بالذات و بالقدرات

٠ القوة و الذكاء

:السلبية 

٠ حب الامتلاك

٠الغيرة الشديدة 

٠تقلب المزاج 

٠الطبع الحاد

٠قلة الصبر و الانفعال السريع  

    ٠ حب السيطرة

ارقام الحظ اليومية: 

82, 52, 22, 99, 93 

يوم الـسـعـد: الثلاثاء
ألـوان الـحـظ: الأحمرحـجـر الـحـظ: الماسالـكـوكـب الحاـكم: المريخ 

مشاهير هذا البرج: مارلون براندو، تشارلي شابلن، جاكي تشان، عمر الشريف، يحيى الفخراني، وليد توفيق، نادية الجندي و فضل شاكر 

إقرأ المزيد

تليين و اصلاح الشعر التالف و الجاف بالغاسول

                                         السلام عليكم ،❀

الناس القدام كانوا كيستعملو الغاسول كمنظف للشعر ، ليوم انا جبت ليكم الطريقة كيفاش تستافدو من الغاسول و تمتعوا بشعر كلو صحة و نعومة
نبداو على بركة الله
هاد الوصفة الجميلة كتكون فقط من زوج ديال العناصر لي هما الغاسول المغربي و الخزامى
  
كاتمشي عند العطار و تقوليلو يعطيك الغاسول و الخزامى شري نتي لقياس لي بغيتي ملي تديه لدار غادا تشدي لخزامى و طحنيها في المولينيكس طحنيها مزيان و شدي الغاسول و خوي عليه الماء الساخن باش يرطاب و من بعد خلطي معاه الخزامى و طالعيه لسطح و خليه حتى يكرم .
فينما تبغي دوشي خودي واحد المقدار من الغاسول ليصاوبتي و خوي علي الماء طايب ،ملي تغسلي شعرك بالشامبوان غادا تاخدي داك الغاسول لي رطبتي و دهني بيه شعرك و تخليه لمدة 5 دقايق او اكثر و من بعد غسلي شعرك بالماء الدافئ مزيان
الغاسول كيلعب دور ديال الملين(ديميلوغ)
نتمنى تجربوا هاد الوصفة راه هائلة غي تبعيها لشعرك و غادا تشوفي لفرق .

إقرأ المزيد

وصفة تنعيم الشعر

السلام عليكم الغزالات ليوم جبت ليكم وصفة ديال الشعر زوينة و إقتصادية و ساهلة

• المقادير                            

6 المعالق نشا (مايزينة)                               

2 معالق عسل ماشي ضروري يكون حر

زيت البلدية حسب كتافة الشعر

• الطريقة

كنخلطو جميع المكونات (النشا; العسل; زيت) و كنديروهم لشعر ديالنا و كنخليوهم لمدة 3 ساعات و كنغطيوهم بشي غطاء يلاستيكي باش شعر ديالنا يشرب داك زيت و من بعد كنغسلوه بالماء دافي

كنتمنى الوصفة ديال اليوم تفيدكم و بالصحة و العافية

إقرأ المزيد

المعقودة المغربية (معقودة البطاطس) جد سهلة و غير مكلفة

                                                          السلام عليكم ،
كيفما كاتعرفوا معقودة البطاطس هي عبارة عن أكلة جد سهلة و مذاقها زوييين و غير مكلفة و كشبع
نبداو على بركة الله
المقادير:
2 بطاطات كبار
4 فرماجات مثلثة (بحال اطفال او لافاش كيري مهم لي متوفر عندك ديريه)
شوية القزبر و المعدنوس
شوية الثوم محكوك
3 بيضات او اكثر
ملح + ابزار + كامون 

الطريقة:

كناخدو لبطاطا و كنقطعوها مكعبات صغيرة و رقيقة باش متهزش لينا طياب كاناخدو كاسرولة و كنحطو فيها البطاطا لي قطعنا وكنضيفولها شوية الملح و كنديروها طيب نخاليوها طيب مزياان باش تجينا ساهلة ملي نبغيو نمعكوها .مهم من بعدما كتسلق لبطاطا كانصفيوها من داك الماء و كنمعكوها مزيان و كنضيفولها الفرماج+القزبر و المعدنوس+الثوم+الابزار+الكمون ويلا جاتك مسوسة شوية ضيفي ليها الملح و خلطي مزيان من بعد بداي تشكلي كويرات صغيرة.

 و جيبي زلافة و فقسي فيها البيض و حتى هو ضيفي ليه الملح و الابزار و الكمون و خودي مقلة ديال القلي لي متكونش كاتلسق و ديري فيها زيت المائدة و خليه حتى يسخن مزياااان بحال الى باغا تقلي لفريت وبداي تهزي لكويرات و غطسيهم في البيض و قليهم في رمشة عين غادي يكون طبق ديالك واجد و بصحة و الراحة 

نتمنى يجبكم هاد الطبق البسيط.

إقرأ المزيد

كيكة بشكلاط رااااائعة و سهلة جداا

                                                     السلام عليكم.
الى كل السيدات لي كيبغيو يفرحو ولادهم بشي حاجة زوينة او ملي كايجيو عندهم ضياف ولكن كيخافو يضيعو لوقت و المقادير و في الاخير مكايصاوبو والو
لمهم ليوم جبت ليكم كيكة زوييية بمقادير معبورة يعني الى تبعتي هادشي لي غادا نقوليك راه كيكتك غادا تصدق زوينة و تفرحي بيها لوليدات و تحمر ليك وجهك قدام الضياف

المقادير :
2 بيضات
كأس عنبة ديال زيت
كأس عنبة ديال السنيدة
كأس عنبة ديال الماء بارد
1 نيسكافية
2 كيسان عنبة دقيق ديال الحلويات
3 الخمارات
بودرة كاكاو (حسب الرغبة)

للتزيين
شكلاط اسود( gala)
1 دانيت ديال الشكلاط
فيرميسيل اسود او ملون

الطريقة:
في الخلاط الكهربائي نديرو لبيض و سنيدة و زيت و نطربوهم مزياان و نضيفوا عليهم كاس ديال الماء نذوبو فيه نصف نيسكافية و نضيفوا بودرة الكاكاو و نطربوهم حتى هوما مزياان و نبداو نضيفو دقيق بشوية بشوية
من بعد نجيبوا شي اناء صغير(بانيو) و نخويو فيه الخليط باش نضيفوا ليه الخمارات من بعد نخويو هاد الخليط في المول بشرط يكون ثقيل باش لكيكة يدخلها طياب مزيان الى ماكانش عندك مول ثقيل من الاحسن ديريها في مقلة لي كانطايبو فيها المسمن مقلة تكون صغيرة شوية داهنيها بشوية الزبدة و رشيها بالدقيق
دخلي الكيكة لفران طيب على عافية مهيلةو خليها 40 حتال 45 دقيقة عاد حلي عليها لفران
ماتبقايش كل ساعة طولي عليها راه غادا تطفس و متجيكش زوينة
ملي تطيب لكيكة غادا تقلبيها فشي صحن خاليها تبرد شوية تسقيها (للسقوة: كاس ديال الماء + 2 او 3 معالق كبار سنيدة +قطعة ديال الحامض ديري هادشي في كاسرولة صغيرة و حطيها فوق البوطة و نقصي لعافية و بقاي تحركي مرة مرة حتي يبدا يختار و طفي عليها) ملي تشرب للكيكة مزيان قلبيها في الطبق لي غادا تقادميها فيه باش تزوقيها
دوبي الشكلاط و زيدي عليه دانيت و نصف نيسكافية و رشية ب الفيرميسييل و ديري  كيكتك تبرد
و قدميها بالصحة و الراحة .

إقرأ المزيد

لوجه نقي و صافي

سلام فتيات ليومة غادي نعطيكم وصفة لتنقية الوجه
المهم كناخدو:

2عواشق ديال العسل الحر
2عواشق ديال زيت زيتون
نصف حامضة معصورة

الطريقة:
كنخلطو العسل الحر مع زيت زيتون و الحامض و كنوضعوه على الوجه ديالنا لمدة ديال نصف ساعة (30دقيقة)                                       
و من بعد كنغسلو بالماء الدافي و صابونة ديال الطاوس و من الافضل نتجنبوا صابون ديال ريحة حيت كيدير الحبوب
هادي هي لوصفة ديال اليومة كنتمنى تفيدكوم و بالصحة و الراحة.

إقرأ المزيد

لشعر أملس و انسيابي

السلام عليكم و رحمة الله و بركاته   
لمعالجة مشاكل الشعر الخشن ننصحكي سيدتي المرأة باستعمال هذه الوصفة.
المكونات:
حبة أفوكادو
موزة واحدة
نصف كأس زيت الزيتون
بضع قطرات من زيت الخروع

الطريقة:
قشري حبة الافوكادو و الموزة و ضعيهم في الخلاط الكهربائي ثم أضيفي لهم زيت الزيتون و زيت الخروع . اطحنيهم جيدا حتى تحصلي على خليط متجانس .
ضعيه على شعرك لمدة لا تقل عن 3 ساعات ثم اغسلي شعرك بالماء الفاتر و الشامبو المناسب .
داومي هذه الوصفة مرة كل أسبوع حتى الحصول على النتيجة المرغوب فيها.

قولي وداعا للشعر الخشن و المتجعد و اهلا بشعر ملمسه حريري

إقرأ المزيد

كيفية تثبيت المكياج لمدة طويلة و بمكون طبيعي

السلام عليكم ، إلى كل السيدات 

ليوم جبت ليكم واحد نصيحة صغيورة ، كاملين كانبغيو ملي نخرجو لشي بلاصا أو شي موعد أو شي مناسبة ملي نديرو لمكياج يبقى لينا مدة طويلة كاين لي كاتستعمل setting spray أو ما يسمى بمثبت المكياج

كاين لي معندهاش امكانيات باش تشريه  و لكن كيتواجد عندنا واحد العنصر لي كيلعب تقريبا  نفس دور ديال المثبت  هاد لعنصر هو الثلج . 

الثلج عندو بزاف ديال الفوائد فبالتالي قطعة ثلجية وحدة إذا مررتيها على وجهك لمدة 5 دقائق أول حاجة غادى تسد ليك لماسامات يعني هدوك les produits  لي غادى ديري للوجه ماغاديش يأثروا عليك ثاني حاجة الثلج كيساعد على تنشيط الدورة الدموية يعني لحنيكات غادي يوليو مزينكين و ثالت حاجة هي تثبيث المكياج قبلا ديري لمكياج مرري قطعة ثلج على الوجه ديالك وخرجي وانتي واثقة من نفسك . كما ان الثلج يساعد على إزالة الهالات السوداء و بزاف ديال لفوائد.

كنتمنى تجربو هادشي و يفيدكم .

إقرأ المزيد

خلطة طبيعية لتنظيف الوجه بالمنزل من الشوفان والزبادي

تحتاج بشرتك من حين لآخر إلى الماسكات الطبيعية التي تساعد علي تنظيف الوجه واستعادة نضارتها من جديد. إذا كنت تشعرين أن وجهك قد أصبح باهتا وتعانين من كثرة البثور السوداء، فإليك هذا الماسك الطبيعي من الشوفان والزبادي والذي سيعمل على إكساب بشرتك الحيوية والنضارة من جديد. سيساعد الشوفان على تقشير الخلايا الميتة بينما يقوم الزبادي بتفتيح البشرة.

مكونات ماسك تنظيف الوجه:

١/٢ كوب ماء ساخن

١/٣ كوب شوفان

٢ ملعقة كبيرة زبادي 

٢ ملعقة كبيرة عسل أبيض

١ بيضة صغيرة

طريقة عمل ماسك تنظيف الوجه بالمنزل:

١- امزجي الشوفان مع ١/٢ كوب ماء ساخن واتركيهم لمدة ٢ - ٣ دقائق حتي يبدأ الشوفان في الذوبان.

٢- اضيفي العسل والزبادي ثم بياض البيضة للمزيج واخلطي حتي يتكون لديك عجينة متماسكة.

٣- بواسطة الفرشاة، افردي الخليط على الوجه مع مراعاة تكوين طبقة رقيقة منه واتركيه حتى يجف لمدة ١٠ - ١٥ دقيقة.

٤- اغسلي وجهك بالماء الدافئ ثم رطبيه بكريم مرطب.

ستلاحظين عند تنفيذ هذا الماسك أن بشرتك قد أصبحت أكثر نضارة وحيوية. كرري ماسك تنظيف الوجه مرة كل أسبوعين لنتيجة أفضل.

إقرأ المزيد